Monday, February 14, 2011

طول عمري وأنا بتعجب من نينوى مش من يونان

طول عمري وأنا بتعجب من نينوى مش من يونان
ربنا قال هي عظيمة ولا يخلوها من شر مكان
علشان كده أمر الرب يونان إنه يرجعهم م التوهان
راح هج يونان من وجه الرب! يا ريتوه ما كان
أهو جه ع المركب نوء ورياح ويونان نيمان!
كان كل مراكبي يلوم نفسه ويونان دريان
إن المشكلة كلها عنده. طب ليه هربان؟
لكن، أنا لسه ما زلت أتعجب من نينوى مش من يونان
طرحوا الأمتعة في البحر وخافوا من الديان
أنا هنا بتعجب م اللي بقى مش م اللي كان
إذاي ملاح بالحكمة بدأ يطلب بإيمان
بالرغم إن اللي بيعبده مش رب يونان ولا يدي أمان؟
أدي حال الدنيا ولسة يونان في الجوف نيمان!
لكن، أنا لسه ما زلت أتعجب من نينوى مش من يونان
قاموا صحوا يونان وفي كل مكان رفعوا الصلوات ويونان تعبان!
طب نعمل قرعة وقرعة كمان. الأولى يونان! والتانية كمان!
راحوا سألوا يونان فأخيرا قال أصل أنا هربان!
من وجه الرب ومن اسمه مش لاقي مكان
أهرب له وألاقي هناك فرصة وأعيش فرحان
لكن، أنا لسه ما زلت أتعجب من نينوى مش من يونان
جدفوا علشان ميموتش يونان لكن سيان
هيموت هيموت لو مات وحدة أو هم كمان
فرموه في البحر الحوت بلعه راح وقف البحر عن الهيجان!
آمن القبطان والمركب كله وشكروا الرب على ما كان
كانت فرصة للرب علشان يكسب يونان بمراكبية وحتة قبطان
لكن، أنا لسه ما زلت أتعجب من نينوى مش من يونان